بھنڈی ایک ایسی سبزی ہے جس میں شوگر کو کنٹرول کرنے، وزن کم کرنے اور جوڑوں میں لیس پیدا کرنے کی خصوصیات موجود ہیں، آج ہم آپ کو بتانے جا رہے ہیں کہ بھنڈی کو کس طرح استعمال کر کے آپ یہ فوائد حاصل کر سکتے ہیں۔

بھنڈی کا شوگر کم کرنے کے لئے استعمال:

بیشتر تحقیقات سے پچھلے چند سالوں میں یہ بات واضح ہوئی ہے کہ بھنڈی میں شوگر لیول کو کنڑول کرنے کی خصوصیات موجود ہیں۔

بھنڈی کو شوگر کم کرنے کے لئے استعمال کا طریقہ:

اگر آپ شوگر کو کنڑول کرنا چاہتے ہیں تو 2 سے تین عدد بھنڈی رات کو ایک گلاس پانی میں بھِگو کر رکھ دیں اور صبح اس کا پانی نہار مُنہ پی لیں، شوگر متوازن رہے گی۔

بھنڈی سے وزن کم کرنے کا طریقہ:

بھنڈی وزن کم کرنے میں بھی مدد گار ہے اس میں موجود فائبر قوتِ مدافیعت بڑھاتا ہے نظامِ ہاضمہ درست کرنے کے ساتھ ساتھ یہ زیادہ کھانے کی خواہش کو بھی کم کرتی ہے، وزن کم کرنے کے لئے بھنڈی کو نمک لگا کر اسٹیم کر کے یا بھر کم تیل میں اس کی بھجیا بنا کر کھایا جا سکتا ہے۔

بھنڈی کی دیگر خصوصیات:

• بھنڈی شوگر کو کنٹرول کرنے کے ساتھ ساتھ جسم کی تھکاوٹ کو دور کرنے میں اہم کردار ادا کرتی ہے۔
• یہ ذہنی دباؤ کو بھی کم کرتی ہے جسم کے مختلف حصوں میں پیدا ہونے والے دباؤ کا خاتمہ کرتی ہے۔
• بھنڈی میں موجود ڈائیٹری فائبر بھوک کا خاتمہ کرتے ہیں جسم میں فائبر وافر مقدار میں فراہم کرتے ہیں۔
• یہ کولیسٹرل کو بھی متوازن رکھتی ہے اور شوگر کے ساتھ ساتھ انسانی جسم میں کولیسڑول لیول متوازن رکھتی ہے۔
• بھنڈی میں صرف ٪ا چربی ہوتی ہے یعنی یہ سب سے کم فیٹ والی غذا ہے جس کو وزن کم کرنے اور بھوک ختم کرنے کے لئے استعمال کیا جا سکتا ہے۔
• ایک کپ بھنڈی جسم میں روزانہ کی ضرورت کے مطابق فائبر فراہم کر سکتی ہے

شیئر کریں