شملہ مرچ ان سبزیوں میں سے ایک ہے جو اپنے کرکرے پن،منفرد ذائقہ اورصحت بخش ہونے کے ساتھ کئی ر نگوں کو اپنے اندر سموئے ہو ہے۔ اسے سلاد میں شامل کریں،کھانوں میں پکائیں یااس میں مختلف چیزوں کو بھر بیک کریں ہر بار یہ آپ کو اپنے ذائقہ اور خوشبو کی بنا پر حیرت میں ڈال دے گی اور بات یہی ختم نہیں ہوتی اس میں انتہائی صحت بخش اجزا پائے جاتے ہیں جو ہماری مجموعی صحت کو بہتر بنانے میں اہم کردار ادا کرتے ہیں اسی بنا پردنیا کے تین بہترین غذائی ماہرین نے اسے مزید اپنی غذا کا حصہ بنانے پر زور دیا ہے۔

شملہ مرچ ایک انتہائی صحت بخش سبزی ہے چاہے یہ ہری،لال،پیلی اور اونج آپ اسے کسی رنگ میں بھی استعمال کر رہے ہو یہ آپ کی صحت کی ضامن ہے اس میں موجود فائبر،آئرن کی کچھ مقدار اور فولیٹ آنتوں کو صحت مند رکھنے،دل کے نظام کوبہتر انداز میں چلانے کے ساتھ جسم سے فاسد مودوں کو خارج کر تی ہے۔اسی لئے ماہرین غذائیت اس کے استعمال پر زور دے رہیں ہیں۔

اس سے قطع نظر شملہ مرچ کس رنگ کی استعمال کی جارہی ہے یہ پوٹاشییم اور وٹامن اے حاصل کرنے بہترین ذریعہ ہے جو بلڈ پریشر کو اعتدام میں رکھ کر دل کوصحت مند بناتا ہے۔

یہ کر کری سبزی وٹامن اے سے بھر پو ر ہونے کی بنا پر آنکھوں کے لئے بہت مفید ہے۔یہ بینائی کو اس کے مرکز پر رکھتی ہے اور آنکھوں کے عضلات کو کمزور ہونے سے بچا نے میں مدد فراہم کرتی ہے۔

سرخ شملہ مرچ میں وٹامن سی اور کیروٹونائیڈز کی وافر مقدار پائی جاتی ہے جو اینٹی آکسیڈینٹ کی طرح کام کرتے ہیں جو آنکھوں اور دل کو صحت مند رکھتے ہیں،جبکہ پیلی اور اورنج شملہ مرچ بیٹا کیروٹین،وٹامن اے، وٹامن سی اور پوٹاشییم سے بھرپور ہوتی ہیں۔

پیلی اور ہری شملہ مرچ جھریوں کو کم کرنے میں مدد فراہم کرتی ہے۔

 

شیئر کریں

اپنا تبصرہ بھیجیں