ہرا دھنیا کھانوں میں تو خوب مزے دیتا ہے لیکن اگر اس کا پانی پیا جائے تو یہ آپ کی صحت کے لیئے بہت فائدہ مند ہے۔ ہرے دھنیے میں وٹامن اے ، سی، کے، کیلوریز اور معدنیات پائی جاتی ہے۔ جانیں اس کو پینے سے آپ کو کیا کیا فائدہ ہوسکتا ہے:

فوائد:

ذیابیطس:

برطانوی جرنل آف نیوٹریشن کے مطابق دھنیےکے پانی میں ایسے مرکبات پائے جاتے ہیں جو جب خون میں شامل ہو کر انسولین میں اضافہ اور شوگر کی سطح کم کرنے میں مفید ثابت ہوتے ہیں۔

کولیسٹرول:

جسم میں کولیسٹرول کی سطح بڑھنے سے پریشان ہیں تو دھنیے کا پانی کولیسٹرول کی سطح کو بڑھنے سے روکنے میں مدد دیتا ہے۔

بلڈ پریشر:

نظام انہضام:

دھنیا مختلف نیوٹرنٹس سے بھرپور ہوتا ہے اور اس کا پانی معدے کو تقویت پہنچا کر نظام انہضام کے کارکردگی کو بہتر بنا دیتا ہے۔

سوزش:

تحقیق کے مطابق دھنیا کے پتے قدرتی طور پر جسم کے کسی بھی حصہ کی انفلیمیشن کو کم کرنے کا ذریعہ ہیں۔ متاثرہ جگہ پر اس کا پانی لگائیں اور پینے میں بھی مفید ہے۔

اینٹی بیکٹریل:

دھنیا میں اینٹی بیکٹریل مرکبات بھی شامل ہوتے ہیں، جو کسی بھی طرز کی انفیکشن کو کنٹرول کرنے کی صلاحیت رکھتے ہیں۔

جگر کے لیئے:

دھنیے کے پانی میں جگر کے تمام مسائل کو کنٹرول کرنے کی وافر صلاحیت ہوتی ہے جو اس کو آپ کے لیئے مفید بناتی ہے۔

اس کو بنائیں کس طرح:

دھنیے کو دھو کر اچھی طرح صاف کرلیں پھر ایک گلاس پانی کو ابالنے رکھیں اور اس میں دھنیے کو ڈال دیں پندرہ منٹ تک پکائیں اور پھر نیم ٹھنڈا ہونے پر اس کو پی لیں۔ روزانہ نہارمنہ پینا فائدہ مند ہے لیکن آپ چاہیں تو دن کے کسی وقت بھی پی سکتے ہیں۔

نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔

شیئر کریں

اپنا تبصرہ بھیجیں